સેન્ટર ફોર એન્વાયર્મેન્ટ પ્લાનિંગ એન્ડ ટેક્નોલોજી (CEPT - સેપ્ટ યુનિવર્સિટી)

પર્યાવરણના આયોજન અને ટેક્નોલોજીના કેન્દ્ર તરીકે સ્થાપિત થયેલી સેપ્ટ યુનિવર્સિટીની સ્થાપના વિદ્યાર્થીઓને નિર્મિત વાતાવરણની કલા, વિજ્ઞાન અને ટેક્નોલોજી શીખવા માટે એક પ્લેટફોર્મ પૂરું પાડવા માટે કરવામાં આવી હતી. આજે સેપ્ટ યુનિવર્સિટી એ ભારતમાં આર્કિટેક્ચર, અર્બન પ્લાનિંગ અને ઇન્ટિરિયર ડિઝાઇન માટેની અગ્રણી સ્કૂલોમાંની એક છે.

વર્ષ 1962માં અમદાવાદ એજ્યુકેશન સોસાયટીએ (AES) દ્વારા સ્કૂલ ઓફ આર્કિટેક્ચર સાથે મળીને સેન્ટર ફોર એન્વાયર્મેન્ટલ પ્લાનિંગ એન્ડ ટેક્નોલોજી (CEPT) શરૂ કરવામાં આવ્યું હતું. આ આર્કિટેક્ચર કોલેજને ગુજરાત સરકારે ગ્રાન્ટ દ્વારા નાણાકીય સહાય પૂરી પાડી હતી. ભારત સરકાર (HRD મંત્રાલય), ગુજરાત સરકાર અને ફોર્ડ ફાઉન્ડેશનની નાણાકીય સહાયથી વર્ષ 1972માં સ્કૂલ ઓફ પ્લાનિંગ (SP)ની સ્થાપના કરવામાં આવી હતી. અન્ય સ્કૂલો, સ્કૂલ ઓફ બિલ્ડીંગ સાયન્સ એન્ડ ટેક્નોલોજી (SBST) અને સ્કૂલ ઓફ ઇન્ટિરિયર ડિઝાઇન (SID)ની સ્થાપના ગુજરાત સરકારની ગ્રાન્ટની મદદથી અનુક્રમે વર્ષ 1982 અને 1991માં કરવામાં આવી હતી. વર્ષ 2005માં સેપ્ટ એવી યુનિવર્સિટી બની જેને યુનિવર્સિટી ગ્રાન્ટ્સ કમિશન દ્વારા માન્યતા મળી અને તેને ડિપાર્ટમેન્ટ ઓફ સાયન્સ એન્ડ ઇન્ડસ્ટ્રિયલ રિસર્ચ (DSIR) દ્વારા સાયન્ટિફિક એન્ડ ઇન્ડસ્ટ્રિયલ રિસર્ચ ઓર્ગેનાઇઝેશન (SIRO) તરીકે પણ માન્યતા મળી.

બાલકૃષ્ણ દોશી અને તેમના આર્કિટેક્ટ સહયોગીઓએ દીવાલો વગરના કેમ્પસ તરીકે સેપ્ટ યુનિવર્સિટીના માળખાની પરિકલ્પના કરી હતી, જ્યાં વર્ગખંડોમાં જેટલું શિક્ષણ આપવામાં આવે એટલું જ શિક્ષણકાર્ય વર્ગખંડની બહાર ખુલ્લી જગ્યામાં પણ થતું હતું. અહીંયા ઇન્ફોર્મલ સ્પેસ, વર્કશોપ્સ અને સ્ટુડિયો ખુલ્લી જગ્યા અને ફોર્મલ બિલ્ડીંગો સાથે સંકળાયેલા છે. વિશાળ બારીઓ અને દરવાજા સાથે બનેલા સ્ટુડિયો એકદમ ખુલ્લી જગ્યાઓ છે, જ્યાં ખૂબ ઊંચી છતો બનાવવામાં આવી છે, જેના કારણે બારીઓમાંથી પ્રકાશ આવતો હોવા છતાં પણ આ જગ્યા ઠંડી રહે છે. દીવાલોનું લેઆઉટ એવું બનાવવામાં આવ્યું છે કે જેથી સૂર્યપ્રકાશની તીવ્રતા ઓછી થઈ જાય છે અને કુદરતી વેન્ટિલેશન જળવાઈ રહે છે. મુખ્ય બિલ્ડીંગની સામે બનાવવામાં આવેલી ઘુમાવદાર લૉન્સની એક સીરીઝ મુલાકાતીઓને સુખદ અનુભવ આપે છે.

હઠીસિંહ વિઝ્યુઅલ આર્ટ સેન્ટર સેપ્ટ યુનિવર્સિટી સાથે કસ્તુરભાઈ લાલભાઈ કેમ્પસને શેર કરે છે, જ્યાં સમયાંતરે વિવિધ એક્ઝિબિશન્સ, ઇવેન્ટ્સ અને આર્ટ ક્લાસીસનું આયોજન કરવામાં આવે છે. આ જ પરિસરમાં કનોરિયા આર્ટ સેન્ટર કોર્સીસનું આયોજન કર છે અને રેસિડેન્સીસની મેજબાની કરે છે. કનોરિયા આર્ટ સેન્ટરમાં એક આર્ટ ગેલેરી પણ છે જ્યાં વિવિધ કાર્યક્રમો યોજવામાં આવે છે. આ ઉપરાંત, ત્યાં એક શોપ અને એક કાફે પણ છે. કમ્યુનિટી સાયન્સ સેન્ટર પણ સેપ્ટ સાથે પોતાનું કેમ્પસ શેર કરે છે, જ્યાં સાયન્સ સાથે સંકળાયેલા વિવિધ અભ્યાસક્રમો, વર્કશોપ્સ અને બાળકો માટે એક્ટિવિટીઝ આયોજિત કરવામાં આવે છે.