અમદાવાદની ગુફા

અમદાવાદની ગુફા એ એક કલાકાર અને એક શિલ્પકાર વચ્ચેના સહયોગનું ઉત્તમ ઉદાહરણ છે. માસ્ટર આર્કિટેક્ટ બાલકૃષ્ણ દોશીએ આ ભૂમિગત બાંધકામની રચના કરી હતી, જેમાં દિવંગત માસ્ટર કલાકાર મકબૂલ ફિદા હુસૈનના ભીંતચિત્રો લગાવવામાં આવેલાં છે.

1990ના દાયકાની શરૂઆતમાં, આર્કિટેક્ટ દ્વારા આ અસાધારણ ગેલેરીની ડિઝાઈન શરૂ કરવામાં આવી હતી. ગુફાના ગુંબજો ફેરો-સિમેન્ટમાંથી બનાવવામાં આવ્યા છે અને સૂર્યપ્રકાશને ફેલાવવા માટે ગુંબજોને ચાઈના મોઝેઇકથી કવર કરવામાં આવ્યા છે. ગુંબજની બહારની બાજુના ઢાંચા પર સર્પ જેવી આકૃતિઓને ચિત્રિત કરવામાં આવી છે. ગુફાની અંદર હુસૈનના ભીંતચિત્રો પર પડતો સૂર્યપ્રકાશ પ્રાચીન ગુફામંદિરોની યાદ અપાવે છે.

સિમેન્ટના છાપરાવાળા ગુંબજોની નીચે અંડરગ્રાઉન્ડ જગ્યા પર ફરતાં-ફરતાં તમે હુસૈનના ભીંતચિત્રો અને આદિજાતિ શૈલીની કલાકૃતિઓ નિહાળી શકો છો. આ જ કોમ્પ્લેક્સમાં ટેમ્પરરી એક્ઝિબિશન્સ ગોઠવવા માટે હરવિટ્ઝ ગેલેરી આવેલી છે. આ ઉપરાંત, ત્યાં આર્ટ સંબંધિત પુસ્તરોનું વેચાણ કરતું એક બુક કાઉન્ટર પણ આવેલું છે. અહીંયા સમયાંતરે વિવિધ પ્રકારના પર્ફોમન્સીસ અને કાર્યક્રમો આયોજિત કરવા માટે એક એમ્ફિથિયેટર આવેલું છે, જેની બાજુમાં એક કેફે પણ આવેલું છે.