એમ જે લાયબ્રેરી

શેઠ માણેકલાલ જેઠાભાઇ પુસ્તકાલયનું નિર્માણ 1930માં કરવામા આવ્યું હતું. તેને ટૂંકમાં એમ જે લાયબ્રેરી તરીકે ઓળખવામા આવે છે અને તે અમદાવાદની સૌથી મોટી લાયબ્રેરી પૈકી એક છે જેમાં સાત લાખ પુસ્તકો અને મોબાઇલ લાયબ્રેરીની સુવિધા છે.

એમ જે લાયબ્રેરીનો પાયો 1933માં મહાત્મા ગાંધીએ નાખ્યો હતો. પ્રતિષ્ઠિત નાગરિક રસિકલાલ માણેકલાલે આપેલા દાનના ભંડોળમાંથી આ લાયબ્રેરીનું બાંધકામ કરવામા આવ્યું હતું. મહાત્મા ગાંધીએ આ લાયબ્રેરીમાં 7 હજાર પુસ્તકો ભેંટમાં આપ્યા હતા જે હજુ સાચવીને રાખવામા આવ્યા છે. સ્વામી અખંડઆનંદે પણ પુસ્તકોના સંગ્રહમાં યોગદાન આપ્યું હતું.

લાયબ્રેરીની બાજુમાં સ્થિત ટાઉનહોલની જેમજ આ લાયબ્રેરીનું નિર્માણ ઇન્ડો-સાર્સેનિક અથવા તો ઇન્ડો-ગોથિક સ્થાપત્ય શૈલીમાં કરવામા આવ્યું છે જેમાં ઉપસેલી ઇંટો, રંગાયેલું કોંક્રીટ અને સુંદર ગ્રીલ છે. ક્લાઉડ બેટલીના સ્થાપત્યના સિદ્ધાંત પ્રમાણે યોગ્ય ક્રમમાં રચના કરવામા આવી છે. આ ઇમારતનું સૌથી મુખ્ય આકર્ષણ તેનો ગુબજ છે જે ઇમારતને એક અદભુત સ્થાપત્ય તરીકે સ્થાપિત કરી દે છે. મુખ્ય હોલમાં ટાઇલ્સની સજાવટ સુંદર છે અને અન્ય સુશોભન દ્વારા લાયબ્રેરીના અલગ અલગ વિભાગમાં જઇ શકાય છે. બિલ્ડીંગના પાછળના ભાગે પુસ્તકોનો સંગ્રહ છે જ્યાં એક નાના હોલમાં તસવીરો અને અમદાવાદના જુના નકશાઓનો સંગ્રહ પણ મૂકવામા આવ્યો છે.