માતા ભવાની વાવ

માતા ભવાની વાવ અમદાવાદની સૌથી પ્રાચીન વાવ છે. તે શહેરના અસરવા વિસ્તારમાં સ્થિત છે.

ચાલુક્ય વંશના સોલંકી રાજપુતોના શાસનમાં ગુજરાતમાં પાણીના સંગ્રહ માટે વાવ, તળાવ અને કૂવાના ઘણા બાંધકામોનું નિર્માણ કરવામા આવ્યું હતું. આ સંગ્રહસ્થળોમાં સુંદર સજાવટ અને કોતરણી દ્વારા સ્થાપત્યોનું નિર્માણ કરવામા આવ્યું હતું. માતા ભવાની વાવનું નિર્માણ સોલંકી કાળ દરમિયાન 11મી સદીમાં કરાવવામા આવ્યું હતું.

આ ત્રણ માળની વાવ છે જેમાં ઝરૂખા અને પગથિયા છે. અહીં ખુલ્લા ઝરૂખા છે જે પૂર્વ-પશ્વિમ ધરી પર સ્થિત છે. સ્તંભ પર સજાવટ, ખૂણાઓ અને ધરીઓનું સ્થાપત્ય દર્શાવે છે કે ચાલુક્ય વંશમાં બનેલી વાવ માત્ર વપરાશ પૂરતી સિમિત ન હતી પરંતુ તેમાં કળા અને સ્થાપત્યની ઉત્તમતા પણ જોવા મળે છે. આ વાવને તેનું નામ માતા ભવાની મંદિરના લીધે મળ્યું છે જ્યાં મોટી સંખ્યામાં શ્રદ્ધાળુઓ આવે છે.