માણેક બાબા સમાધિ

અમદાવાદના સંત માણેકનાથે જે સ્થળે સમાધિ લીધી તેને માણેક બાબા સમાધિ તરીકે ઓળખવામા આવે છે.

માણેકનાથ અથવા તો માણેક બાબા 15મી સદીમાં અમદાવાદમાં જાણીતા સંત હતા. તેમણે અમદાવાદના કિલ્લાના બાંધકામને વારંવાર બનતા અટકાવ્યું હતું કારણ કે આ વિસ્તારમાં સુલતન અહેમદ શાહ કબ્જો કરે તેનો તેઓ વિરોધ કરતા હતા. તેના માટે તેઓ એક દિવસમાં ચાદર અથવા ચટાઇ વણતા અને જ્યારે તે ચાદરના દોરા ખોલી નાખે ત્યારે કિલ્લો તૂટી પડતો. જ્યારે તેમના આ પરચાનો અનુભવ સુલતાનને થયો ત્યારે કિલ્લાના આર્કિટેક્ટ અહેમદ ખટ્ટુએ કિલ્લો બનાવવા માટેના સ્થળ અંગે માર્ગદર્શન મેળવીને શહેરનો નકશો બદલ્યો હતો. તેમણે એક ટાપુ પર સમાધિ લીધી જે તે સમયે સાબરમતી નદીનો ભાગ હતો. તે સમયે નદી ટંકશાળ અને ફરનાન્ડેઝ પૂલ નીચેથી વહેતી હતી.

આ સ્મૃતિ મંદિર ઐતિહાસિક માણેક ચોક પાસે સ્થિત છે. અહીં સ્થાનિક વેપારીઓ માને છે કે આ મંદિર અને અન્ય ધાર્મિક કેન્દ્રોની શક્તિના લીધે જે બુલિયન, જ્વેલરી, કપડા, શાકભાજી અને ખાણીપીણીના વેપારમાં સમૃદ્ધિ આવે છે.