ફર્નાન્ડિસ બ્રિજ(પુસ્તક બજાર)

ફર્નાન્ડિસ બ્રિજ બ્રિટિશરો દ્વારા બાંધવામાં આવ્યો હતો અને એવું કહેવામાં આવે છે કે આ બ્રિજનું નામ એ બ્રિટિશ એન્જિનિયરના નામ પરથી પાડવામાં આવ્યું છે, જેણે આ બ્રિજ બનાવ્યો હતો. જોકે, ઘણા લોકોનું એવું પણ કહેવું છે કે આ બ્રિજનું નામ એક ખ્રિસ્તિ પાદરીના નામ પરથી પાડવામાં આવ્યું છે.  આ બ્રિજ ટંકશાળ રોડ પર પથરાયેલો છે, જે ગાંધી રોડથી અનેક મીટર નીચે થે, કારણકે એક સમયે તે સ્થળ પર ખાડી હતી. આજે આ બ્રિજ એક લેંડમાર્ક બની ગયો છે કારણકે તેની નીચે પુસ્તકોનું એક વિશાળ બજાર ભરાય છે. આ બજાર શૈક્ષણિક પુસ્તકો અને અન્ય પ્રકાશનો, સ્ટેશનરી અને વપરાયેલા પુસ્તકો માટે ખૂબ પ્રખ્યાત છે.

સાબરમતી નદી સાથે જોડાયેલ એક પાણીનો પ્રવાહ અથવા તો નદીની ખાડી એવી માણેક નદી એક સમયે શહેરના કોટ વિસ્તારમાંથી વહેતી હતી. ફર્નાન્ડિસ બ્રિજ આ જૂની સૂકાઈ ગયેલી નદીની ઉપર ઇ.સ. 1884માં બાંધવામાં આવ્યો હતો. તમે જોઇ શકશો કે પુસ્તકોનું બજાર ગાંધી રોડથી ઘણા મીટર નીચે છે.

ગાંધી રોડ પરના પગથિયા ઉતરીને ટંકશાળ રોડ પર જાઓ અને ત્યાંથી તમે પુસ્તકોના બજાર સુધી પહોંચી શકશો. ત્યાંથી તમે જૂના બ્રિજના કેટલાક પાયાઓ જોઇ શકો છો. આ બજાર એવા લોકોથી હંમેશાં ભરેલું હોય છે, જેઓ ત્યાં શૈક્ષણિક પુસ્તકો, પાઠ્યપુસ્તકો, સંદર્ભ પુસ્તકો, વપરાયેલાં જૂના પુસ્તકો, પ્રકાશનો, બેસ્ટ-સેલર્સ, નવલકથાઓ, ધાર્મિક પુસ્તકો, સ્ટેશનરી અને અન્ય ઘણી વસ્તુઓ ખરીદવા માટે આવતા હોય છે. આ બજારમાંથી જો કોઇ પુસ્તકનું પ્રથમ સંસ્કરણ કે કોઈ દુર્લભ પુસ્તક મળી જાય તો પુસ્તકના સંગ્રાહકો પોતાને ભાગ્યશાળી માને છે.