ટંકશાળ હવેલી

ટંકશાળ એટલે સિક્કા છાપવાનું કારખાનું અને આ સ્થળ પહેલાના સમયમાં સિક્કાઓના કારખાના માટે જાણીતું હતું જ્યાં કામદારો માટે રહેણાક વિસ્તાર હતો. અત્યારે ટંકશાળ રોડ એક વયસ્ત માર્કેટ છે જ્યાંથી ફરનાન્ડેઝ પૂલ નીચેની બુક માર્કેટમાં જઇ શકાય છે. જે તે સમયે એક પાણીના વહેલ પર આ પૂલ બનાવવામા આવ્યો હતો. ટંકશાળ રોડની બાજુમાં ટંકશાળ હવેલી છે જેને ટંકશાળની હવેલી તરીકે પણ ઓળખવામા આવે છે.

આ હવેલીનું નિર્માણ 1800ની સાલમાં કરવામા આવ્યું હતું. 1925માં તેમાં છોકરીઓની શાળા શરૂ કરવામા આવી હતી. અત્યારે જો કે તે વર્ષોથી કોઇ ઉપયોગમાં નથી.

ટંકશાળનો મુખ્ય ભાગ ત્રણ માળનો છે જેમાં લાકડા પર સુંદર કારીગરી કરવામા આવી છે. ગ્રાઉન્ડ ફ્લોરમાં કોતરેલા ખૂણાવાળા સ્તંભ છે. પહેલા માળે મોટી બારીઓ છે જેના પર સુંદર કોતરણી અને ફુલોની ડિઝાઇન કરવામા આવેલી છે. આ હવેલીનું રિસ્ટોરેશન કાર્ય કરવા માટે નક્કી કરવામા આવ્યું છે.