આઇઆઇએમ (IIM) – અમદાવાદ

ઇન્ડિયન ઇન્સ્ટિટ્યૂટ ઓફ મેનેજમેન્ટ-અમદાવાદ (IIM-A), ભારતમાં સર્વોચ્ચ રેંકવાળી બિઝનેસ સ્કૂલોમાંની એક છે. IIM-A એ 20મી સદીના સૌથી વધુ પ્રભાવશાળી આર્કિટેક્ટ્સમાંના એક એવા લુઇસ ઇસાડોર કહાન દ્વારા ડિઝાઇન કરવામાં આવેલું એક આર્કિટેક્ચરલ લેન્ડમાર્ક પણ છે.

ભારતને સ્વતંત્રતા મળી તે પછી દેશમાં સ્થાપિત થતા નવા ઉદ્યોગો, કંપનીઓ અને કોર્પોરેશનો માટે લીડરો અને મેનેજરોને તાલીમ આપવા અને તેમને તૈયાર કરવા માટે રાષ્ટ્રીય નેતાઓને એક સંસ્થા ઊભી કરવાની જરૂરિયાત લાગી. સર્વપ્રથમ ઇન્ડિયન ઇન્સ્ટિટ્યૂટ ઓફ મેનેજમેન્ટ કલકત્તા (કોલકાતા)માં શરૂ કરવામાં આવી હતી અને તે પછી તરત જ વર્ષ 1961માં IIM-Aનું નિર્માણ કરવામાં આવ્યું હતું.

અમદાવાદના અગ્રણી નાગરિકો જેવાં કે કસ્તૂરભાઈ લાલભાઈ અને વિક્રમ સારાભાઈએ IIM-A સ્થાપિત કરવાના કાર્યનું નેતૃત્વ લીધું, જેના માટે હાવર્ડ બિઝનેસ સ્કૂલનું મોડલ નિર્ધારિત કરવામાં આવ્યું. આઇઆઇએમનો લોગો જૂના શહેરમાં આવેલી પ્રસિદ્ધ સીદી સૈયદની જાળીના અદ્ભુત કોતરણીકામથી પ્રેરિત છે.

IIM-A એક વિશાળ કેમ્પસમાં સ્થિત છે અને રસ્તાની સામેની બાજુએ એક નવું એક્સટેન્ડેડ કેમ્પસ પણ બનાવવામાં આવ્યું છે. કેમ્પસમાં આવેલા શૈક્ષણિક મકાનો લુઇસ કહાન પ્લાઝાનો કેન્દ્ર ભાગ છે. પશ્ચિમ વિંગમાં વર્ગખંડો (ક્લાસરૂમ્સ) આવેલાં છે અને પૂર્વ વિંગમાં ઓફિસો આવેલી છે. મધ્યમાં આવેલી લાયબ્રેરી આ બંને વિંગને જોડે છે. વર્ગખંડોમાં સારી હવા આવે છે અને કુદરતી પ્રકાશ પણ આવે છે કારણકે તેમને સંકુલના આંગણાની આસપાસ નિર્મિત કરવામાં આવ્યા છે. કોંક્રીટ બીમ્સ સાથેની ઇંટની કમાનો ઇંટ અને કોંક્રીટથી બનેલા આ શૈક્ષણિક બિલ્ડીંગનું એક વિશિષ્ટ ફીચર છે.