ઓલ્ડ સ્ટોક એક્સચેન્જ બિલ્ડિંગ

આ ભવ્ય બિલ્ડિંગમાં એક સમયે અમદાવાદ સ્ટોકબ્રોકર્સ એસોસિએશનની કામગીરી થતી હતી અને તે અમદાવાદ સ્ટોક એક્સચેન્જ તરીકે ઓળખાતી હતી. અત્યારે સ્ટોક એક્સચેન્જ અહીંથી તબદીલ કરવામા આવ્યું છે પરંતુ આ ઇમારત તેની સુંદરતા, સુશોભન અને નિયો ક્લાસિકલ સ્થાપત્ય માટે જોવાજેવી છે.

19મી સદીના અંતમાં અને 20મી સદીની શરૂઆતમાં અમદાવાદ કાપડની મિલો માટે જાણીતું હતું. તેના લીધે અહીં 1894માં સ્ટોક એક્સચેન્જની સ્થાપના થઇ જે ભારતમાં સૌથી જૂના એક્સચેન્જ પૈકી એક છે. 1875માં બોમ્બે સ્ટોક એક્સચેન્જની સ્થાપના બાદ આ સ્ટોક એક્સચેન્જને પબ્લિક ચેરિટેબલ ટ્રસ્ટ તરીકે સ્થાપિત કરવામા આવ્યું હતું. પહેલા દરેક સ્ટોક એક્સચેન્જ બોમ્બે સિક્યોરિટીઝ કોન્ટ્રાક્ટ્સ એક્ટ. 1925ના માળખા હેઠળ કામ કરતા. ત્યારબાદ ધ સિક્યોરિટીઝ કોન્ટ્રાક્ટ રેગ્યુલેશન એક્ટ, 1956, ગુજરાત શેર એન્ડ સ્ટોક એક્સચેન્જ, ઇન્ડિયન શેર એન્ડ જનરલ એક્સચેન્જ એસોસિએશન એન્ડ બોમ્બે શેર એન્ડ સ્ટોક એક્સચેન્જ, શેર એન્ડ સ્ટોક બ્રોકર્સ એસોસિએશન અમદાવાદ શેર અને સ્ટોક બ્રોકર્સ એસોસિએશન સાથે સામેલ થઇ ગયા અને અમદાવાદ સ્ટોક એક્સચેન્જની સ્થાપના થઇ.

આ ઇમારતનું નિર્માણ 1919માં કરવામાં આવ્યું હતું જ્યાં 1990 સુધી સ્ટોક એક્સચેન્જ કાર્યરત રહ્યું. ત્યારબાદ પાંજરાપોળના કામધેનુ કોમ્પ્લેક્સમાં એક્સચેન્જનું સ્થળાંતર કરવામા આવ્યું હતું.

આ બિલ્ડિંગમાં યુરોપીયન શૈલીનું બાંધકામ અને સુંદર સુશોભન જોવા મળે છે. તેમાં ઝરૂખા પ્રકારની બાલકની જોવા મળે છે. ફ્રાન્સની આર્ટ ડેકો શૈલીની રચના પણ ઇમારતમાં જોવા મળે છે.

આ બિલ્ડિંગની સામે મુરત પોળ છે જે અમદાવાદની સૌથી જૂની પોળ પૈકી એક છે.